Fimmtugasta tölublaðið af þessu frábæra lífsstílstímariti. Til að fagna áfanganum helgar Kinfolk tölublaðið samfélagi og samkennd og í því kynnumst við fólki sem hefur komið saman víðsvegar að úr heiminum til að tengjast, skapa, vinna saman og hlúa hvort að öðru.

Við hittum Vivien Sansour sem rekur fræbanka fyrir utan Betlehem. Þar vinnur hún með bændum að því að varðveita arfleifð svæðisins og um leið menningararfleifð Palestínu. Í Kaliforníu hittum við hópinn Old Gays, hóp samkynhneigðra öldunga sem fundu vináttu síðar í lífinu og um leið miklar vinsældir á samfélagsmiðlum. Við sláumst í för með Velociposse, hópi kvenna, trans- og kynseginfólks, í hjólreiðatúr um London og heimsækjum elsta Quaker-samkomuhús borgarinnar sem enn er í notkun og fólk kemur saman til að tilbiðja í þögn.

Síðan 2011 hefur Kinfolk fest sig í sessi sem leiðandi tímarit í heimi lista og menningar, hönnunar og fagurfræði og arkitektúrs og innanhúshönnunar. Það er gefið út ársfjórðungslega, er selt í yfir 100 löndum og er gefið út á þremur tungumálum. Kinfolk er lista- og hönnunarrit sem leitast við að efla lífsgæði og tengja samfélag skapandi hugsuða.