Ystudio

 

Ystudio er hönnunarstofa frá Taívan sem stofnuð var árið 2012 af  廖宜賢 (Yi Liao) og 楊格 (Yanko). Þeir leggja mikið upp úr gildi einfaldleikans og ná að sameina taívanska hönnun og handverk á hátt sem fangar fagurfræðilega menningu þeirra. Þeir hanna fyrst og fremst ritföng sem eru sköpuð fyrir hversdagslega notkun og munu endast eigandanum út ævina og rúmlega það.

Ritföngin eru flest úr látúni (e. brass) og kopar og eru framleidd í Taívan af handverksmönnum með áralanga reynslu í faginu. Með notkun fá þau einstakt yfirbragð sem breytist fallega með árunum og gerir hvern hlut persónulegan. Auðvelt er svo að pússa pennann aftur upp með koparolíu ef eigandinn kýs að gera svo.