SIWA-pokarnir henta vel til vinnu eða einkanota og koma í hentugri stærð. Pokarnir eru áferðarfagrir og endingargóðir úr nýju japönsku pappaefni sem heitir naoron. Pappírinn er mjúkur og vatnsheldur, með mikla burðargetu og heldur allt að 10 kg.

Hvert eintak er saumað af handverksfólki í Japan og hafa pokarnir verið styrktir með tvöfaldri uppbyggingu. Áferð pokanna verður fallegri með tíð og tíma.

SIWA er samstarfsverkefni japanska pappírsframleiðandans ONAO og hins virta iðnhönnuðar, Fukasawa Naoto.

ONAO er staðsett nálægt Fuji í landbúnaðarbænum Ichikawa Misato, í Yamanashi-héraði, svæði sem státar af 1.000 ára sögu washi-pappírsgerðar. ONAO hefur í gegnum árin fullkomnað tæknina við framleiðslu washi-pappírs og í kjölfarið fundið leið til að búa til efni sem bæði er vatnshelt og erfitt að rífa — naoron.

Vörurnar frá SWIA eru handgerðar úr naoron, sem unnið er úr sérstakri blöndu af viðarkvoðu og gervitrefjum og þróað með því að nota forna japanska pappírsframleiðslutækni, washi-suki. SIWA notast við tvær tegundir af naoron, mjúkt og RPF-naoron. Mjúkt naoron samanstendur af blöndu af viðarkvoðu og polyolefin sem gerir það mjúkt og sveigjanlegt. RPF-naoron er framleitt með því að bæta endurunnum pólýestertrefjum úr notuðum plastflöskum og textílvörum í pappírsmassann. Báðar tegundir naoron hafa áberandi áferð pappírs en eru harðgerðar, léttar og vatnsheldar. Naoron gefur ekki frá sér skaðlegar gufur við brennslu.

Ichikawamisato, Japan