Ystudio

Brassing・Kúlupenni

Útsöluverð Verð 19.990 kr Verð Verð  per 

Brassing kúlupenninn frá Ystudio er einfaldur, svartur og með sex glansandi línur sem sýna látúnið (e. brass) undir. Hann er ekki bara sannkallað augnayndi og frábær gjöf heldur er hagnýt og óvenjuleg hönnun hans einnig merkileg. Fullkomið þyngdarjafnvægi veitir gott grip og stöðugleika þegar hann er notaður. 

Ystudio er hönnunarstofa frá Taívan sem stofnuð var árið 2012 af 廖宜賢 (Yi Liao) og 楊格 (Yanko). Þeir leggja mikið upp úr gildi einfaldleikans og ná að sameina taívanska hönnun og handverk á hátt sem fangar fagurfræðilega menningu þeirra. Þeir hanna fyrst og fremst ritföng sem eru sköpuð fyrir hversdagslega notkun og munu endast eigandanum út ævina og rúmlega það.

Vörurnar frá Ystudio eru flestar úr látúni og kopar og eru framleiddar í Taívan af handverksmönnum með áralanga reynslu í faginu. 

Almennar upplýsingar
/ Efni: Látún (e. brass) 
/ Stærð: 9,5×11×138 mm
/ Áfyllingar eru hefðbundnar og má versla á heimasíðu okkar. Mælt er með að nota Schmidt P900M eða Schmidt EasyFlow 9000 áfyllingar í pennann.

Umhirða
Svarti litur pennans mun dvína með tíma og notkun og sýna gyllta lit látúnsins. Þetta eru þau „brassing“ áhrif sem línan dregur nafn sitt af. Hægt er að leika sér með þessi áhrif og skapa sín eigin með sandpappírnum sem fylgir í kassanum.

Taívan