Á meðan upprunalega línan af reykelsunum einbeitir sér að einstaka ilmum, þá voru ilmkjarnaolíurnar í svörtu línunni sérstaklega valdar vegna getu þeirra til að stuðla að betri svefni og slökun.

Ilmurinn minnir á hljóðlátan skógarlund og er fullkominn fyrir djúpa slökun eða hugleiðslu. Vetiver léttir á spennu í líkamanum og sýprusviður róar hugann. Einnig má finna viðarkenndan ilm af hiba og bjartar nótur af bergamot.

Sagan segir að reykelsishefð Japans hafi fæðst úr einu stykki af ilmandi agarviði sem rak á klettótta strönd Awaji-eyju á 6. öld. Enn þann dag í dag, þrátt fyrir breytingar í gegnum aldirnar, er Awaji enn miðpunktur fíns ilms í Japan.

Framleiðandi reykelsanna eru fagmenntaðir iðnmenn Koushou-do, en fyrirtækið var stofnað fyrir meira en 120 árum síðan. Þeir hafa í gegnum árin framleitt sum bestu reykelsa heims og tekið þátt í að þróa listform sem nefnist Kōdō (香道, „The Way of Fragrance“) og talin er ein af þremur fágunarlistum Japans ásamt Kadō (華道 „The Way of Flowers“) og Chadō (茶道, „The Way of Tea“).

Pappírsreykelsin eru nýjasta afurð Koushou-do en þau voru í þróun í 5 ár áður en þau voru loks tilbúin. Reykelsin unnu einnig Good Design Award verðlaunin árið 2019.

Awaji, Japan