Kenzan

Kenzan・Plast・78 mm

Útsöluverð Verð 6.490 kr Verð Verð  per 

Í gegnum sína löngu sögu hefur japanska blómaskreytingalistin betur þekkt sem Ikebana, þróast og aðlagast tíðaranda hverju sinni án þess þó að missa sjónar á hefðbundnum gildum listformsins. Þar gegnir kenzan lykilhlutverki en hann samanstendur af hvössum pinnum sem fastir eru á plötu og er í þessu tilfelli úr plasti. Blómum og greinum er svo stungið í kenzaninn til að búa til fallegar skreytingar.

Ikebana er partur af kadō (華道), einum af þremur klassískum fágunarlistum Japans, sem myndi útleggjast sem „The Way of Flowers“ á ensku. Hinar tvær fágunarlistir Japans eru kōdō (香道 The Way of Incense) og chadō (茶道 The Way of Tea). Saman varðveita þessar listir hefðir og minningar fyrri tíma Japans.

Sögu Ikebana 剣山 má rekja aftur til 6. aldar þegar kínverskir trúboðar komu til Japans með búddíska helgisiði sem fólu í sér að færa Búdda blóm. Fyrsti blómaskreytingaskólinn í Japan, Ikenobō, var svo stofnaður af Ono no Imoko í upphafi 7. aldar. Aðrir helstu skólar í listinni eru Ko (Koryū), Ohara og Sogetsū.

Þessi kenzan er gerður úr sterku, glæru plasti og hefur sogskál á botninum svo hann hentar afar vel til notkunar í glæra glervasa.

Almennar upplýsingar
/ Stærð: Ø78 mm
/ Efni: Plast

Niigata, Japan